Trapiko

Kumain kami ng kaibigan ko sa isang Japanese Restaurant sa Gateway kung saan ang isang table dun eh makikita mo ang kalsada sa baba… Napansin ko na kada i-stop eh hindi maayos ang pagkaline-up ng mga sasakyan, may iba nakatutok ang unahan ng sasakyan sa left side bumper ng nasa unahan nila, may iba naman nasa right side bumper. Gusto nilang i-overtake ang nasa unahan nila? eh di ba nga naka stop? bakit hindi na lang nila tutukan ang mismong likod ng sasakyan? Hay.

Madalas din akong sumakay ng bus pauwi, dahil dadaan na yun sa tapat ng bahay namin. Yamot na yamot ako sa mga driver na pag may nakitang libre eh sisingit ang sasakyan nila, hindi sila nanatili sa isang lane, lalo na yang mga motorsiklo na yan, Hay naku talaga! Isasama ko na ang mga bus na pumipila sa Cubao Ibabaw! Lahat sila pa-i-slant, walang diretso pe-pwesto sila sa harapan ng isang bus, yung nasa likuran nila bubusina dahil aalis na sila at nakaharang yung bus na bagong dating, eh di ang ingay na! Kaya nilalagyan ng mga barrier eh, tapos magrereklamo kayo na nababangga niyo! Eh mga wala kayong mga disiplina! kung may mga disiplina ba naman kayo eh, tingin niyo ba kailangan pa nilang ilagay yang mga concrete barrier na yan?

Hindi ko din maintindihan kung bakit ang mga bus eh kailangan tumambay ng matagal sa isang bus stop! lalo na sa may tapat ng POEA, at sa SM MAKATI. Hindi niyo ba alam na nag aasaksaya lang kayo ng gas, na inereraklamo niyong mahal? Kung hindi kayo tumatambay ng matagal diyan sa mga bus stop na yan eh di sana nakatipid kayo sa gas, at hindi niyo kami kailangang singilin ng mahal sa pamasahe!

Wala pa dyan ang mga dispatcher kuno! Isa pa yan sa nagdudulot ng matinding trapik sa kalsada namin! Mga bossing! Kaya nga may signboard ang mga bus at jeep eh, para alam namin kung saan ang biyahe nila! Hindi po kami mga bulag at tanga para hindi po makita yung mga signboard na iyon! Nangingikil lang kayo! Hindi naman kayo nakakatulong sa mga pasahero eh! Kung gusto niyo pong maging legal ang trabaho niyo, patanggal niyo na lang yung mga signboard ng mga bus at jeep! at saka kayo magsisigaw kung saan papunta ang mga bus at jeep na iyon! Hindi yung pinagmumukha niyo kaming mga tanga at bobo sa kalsada!

Syempre hindi papahuli ang mga pasahero dyan! Hindi sila bumababa at sumasakay sa tamang lugar! Hay naku! May sinigawan nga ko sa bus nung isang araw eh! Dahil baba kami ng Mantrade, eh nagsimula ng magkakatok sa kisame ng bus ang isang lalake:

LALAKE: (tok-tok) Boss Para!

Eh dahil wala pa sa tamang babaan eh hindi siya pinansin ng driver.

LALAKE: BOSS PARA!!! (sabay katok ulit sa kisame, akala niya siguro pintuan yun!)BOSS PARA SABI!!!

dahil napikon na ko, sinigawan ko na yung mama!

AKO: Doon ho ang babaan! Hindi ho dito!

tiningnan ako nung lalake ng masama, syempre tiningnan ko din siya ng masama.

AKO: wala kasing disiplina!

at nung bumaba eh siya eh para siyang nahiya, habang naglalakad papalayo.

Disiplina lang naman eh, yun lang. Kung meron tayo nun, wala na sanang nangongotong na pulis, wala na yung concrete barrier,  wala na yung mga picket fences sa kalsada, at malay niyo mawala din ang trapik!

Filipino Street Food

Kagabi bago ko sumakay ng bus eh takam na takam akong kumain ng calamares (kasi wala kong meryenda). Ang kaso kulang ang pera ko at baka hindi na ko makauwi kung kakain pa ko ng calamares. Busog nga ko hindi naman ako makakauwi, mas mabuting na lang gutom at makauwi may pagkain naman sa bahay eh.

Naisip ko tuloy yung mga paborito kong “street food”:

• BOPIS – Ito yung baga ng bboy, madalas niluluto papulutan. pero itong binebenta sa kanto eh nakatusok sa stick at piniprito (kasama yung stick) mabango ang amoy, pero para sa iba eh malansa daw. Pero masarap, at mukhang nakakahigh blood (dahil kasamang pinprito ang stick?!)
• KWEK-KWEK – Ito yung itlog na nilagyan ng Harina na may food coloring (madalas kulay orange), at sinasawsaw sa suka.
• TOKNENENG – Ito naman eh imbes na gamitin itlog, eh penoy ang ginamit nila. Ganun pa din meron pa din siyang Harina na may food coloring (kulay orange pa din, buti na lang hindi nila ginawang brown!).
• FISHBALL - Isdang binilog ayon sa aking kaibigan, at sinasaw sa sauce na kulay brown, Paborito ito ng mga estudyante lalo na ang mga nasa elementarya at highschool. May commercial pa nga ito sa TV dati, “manong, can I make tusok-tusok the fishball?”
• SQUIDBALL – Pusit na binilog? ito naman eh madalas na itinitinda kasabay ng fishball.
• KIKIAM - it is made with ground pork and vegetables wrapped in bean curd sheets. Madalas na itinitinda kasabay ng fishball at squidball.
• BARBEQUE - ito ay baboy na nakatusok sa stick,at iniihaw. madami din itong kasabay tulad ng:

1. 1. Tenga ng baboy
   2. Atay
   3. Dugo
   4. Isaw (bituka ng baboy)
   5. Ulo ng manok
   6. Addidas (paa ng manok)

• CHICKEN BALLS - Manok na binilog (hehehe)
• CALAMARES - Pusit na may breading at deep fried. Mas mura kaysa sa restoran. Ito ang uso ngayon.
• BALAT NG MANOK – Piniritong balat ng manok, parang chicharon masarap at mukhang nakakahigh blood din

Marami pang iba, yung iba kasi hindi ko pa natitikman. Pero kung may alam kayo email niyo sa kin pinoy_juandelacruz@yahoo.com para mailagay ko dito . At hanapin ko para matikman ko na din

Pink Lane sa bangketa

Habang nakasakay ako sa MRT last week eh may napanasin akong pinturang kulay PINK sa may sidwalk, at dahil kulay pink ito eh naisip ko kaagad na MMDA ang may pakana nito(lam niyo naman!). Akala ko eh puputulan nila ang bangketa para lalo pang lumawak ang kalsada ng EDSA, yun pala eh linya ito kung saan hanggang duon lang ang mga sidewalk vendors, at yung kabilang side eh para naman sa mga maglalakad sa bangketa. (at binigyan pa nila ng espasyo!) Kapag lumampas sila (yung mga nagtitinda) sa guhit na yun eh huhulihin na sila ng mga MMDA. Malamang sa sobrang tigas ng ulo ng mga sidewalk vendors eh ito ang naisip nilang solusyon para pabor ito sa nagtitinda at naglalakad sa bangketa.

Kung makikita niyo lang ang kalsada sa may BICUTAN market lalo na pag gabi eh grabe ang dami ng tao na naglalakad sa kalsada, paano grabe din naman ang dami ng nagtitinda sa bangketa. Yung mga taong naglalakad naman sa kalsada eh sinakop na ang isang lane para sa sasakyan, hindi mo din naman sila masisi dahil nga may mga nagtitinda sa bangketa. Nunng nakalipas na December eh, dalawang beses ng nagclearing operation ang MMDA dun dahil nga sa mga reklamo ng ibang tao. Nagkadramahan, Nagkainiisan, Nagkapikunan, at Nagkabarilan pa ata. At kahit dalawang beses na silang nag clearing operation duon, ang Good News eh naandun ulit sila!

Maganda din ang naisip ni Bayani (Kahit Papaano) dahil nga pabor ito sa parehong gagamit ng bangketa. Tingnan na lang natin kung susunod ang mga tao dito sa bagong kalokohan batas ni Bayani.

Aba dapat lang dahil muntik ng may suntukin si Bayani sa Pasay kahapon! hehehe! Iba talaga tapang ng tao pag alam mong marami kang kasama eh!

 

Proud to be Pinoy!

Sabi nila na corrupt ang gobyerno, walang ng pagasa, walang disiplina, Proud to be Pinoy pa din ako! Dahil may mga taong gumagawa ng paraan para mabago ang lahat ng ito.  Hindi naman biglaan ang pagbabago, maaring mabagal ang proseso, pero kung dahan dahan eh mas, siguradong aasenso tayo!

Kailangan lang ng sipag at tiyaga (parang narinig ko na yun sa isang slogan ha!), tiyak na tayo ay aangat (hindi ako nangangampanya promise!).

Ito ay para sa iyo Juan Dela Cruz!